सेतोपाटीबाट
मुलुकमा इन्धनको हाहाकार भइरहेको बेला ललितपुर प्रहरीले भने साइकल गस्ती बढाएको छ । केही सातादेखि उसले साइकल गस्ती बढाउन मातहतका निकायलाई उर्दी जारी गरेको छ । ललितपुरका प्रहरी प्रमुख एसएसपी पीताम्बर अधिकारी पनि गाडी छाडेर बेला बेलामा साइकल गस्तीमा निस्कने गरेका छन् ।
साइकल गस्तीमा निस्किएर एसएसपी अधिकारीले शान्ति सुरक्षाका बारेमा स्थानीय र बाटो हिड्ने बटुवासँग पनि कुरा गर्ने गरेका छन् । एसएसपी अधिकारीसँगै एसपी सुशीलकुमार यादव, प्रहरी निरीक्षक कवित कटुवाल लगायतका प्रहरी अधिकृत र जवानहरु सहभागी थिए ।
पर्यटकीय क्षेत्र पाटनको साथ साथै लगनखेल, सानेपा, लगायतका क्षेत्रमा प्रहरीले विशेषगरी साइकल बढाएको छ । पाटनका हरिकृष्ण मर्हजनले एसएसपी अधिकारी साइकल गस्तीमा देख्दा छक्क परे । उनले आफ्नो क्षेत्रमा बेला बेलामा प्रहरीले गस्ती गर्दा निर्धक्कका साथ आफू बाहिर निस्किन पाएको बताए ।
साइकल गस्तीको केही तस्बिर –
