बुटवलको जितगढीमा भयो अर्को दुर्घटना २ जनाको ज्यान गयो

बुटवल १६ मंसिर
केही समय अघि (सांझ) बुटवल उपमहानगरपालिका वडा नं १५ स्थीत झोलुंगेपुल अगाडी भएको सडक दुर्घटनामा २ जनाको ज्यान गएको छ ।
दुर्घटनामा परी मृत्यु हुनेहरुको अझै सम्म पहिचान हुन सकेको छैन,मृतकहरुको साथमा रहेको कागजातका आधारमा मिन बहादुर नेपाली र बिक्की ंिसंजाली हुन सक्ने अनुमान प्रहरीको छ ।
बुटवलबाट पश्चिम तर्फ गई रहेको ना ३ ख ३२२ नम्वरको ट्रकको ठक्करवाट पश्चिम तर्फबाट बुटवल तर्फ आउदै गरेको लु ७ प ४५६१ र लु ११ प ५०७९ नम्वरको मोटर साईकलमा सवार दुईजनाको मृत्यु भएको प्रहरीले जनाएको छ ।
घटनामा परि एक जनाको घटनास्थलमै र अर्का एक जनाको उपचारका क्रममा लुम्विनी अञ्चल अस्पतालमा मृत्यु भएको थियो । मोटर साईकलमा सवार अर्का १ जना घाईते छन । घाईते बुटवल ५ गोलपार्कका गंगाराम सुवेदीको लुम्विनी अञ्चल अस्पतालमा उपचार भैरहेको प्रहरीले जनाएको छ ।
घटनामा सम्लग्न टक चालक र टकलाई ईलाका प्रहरी कार्यालयको नियन्त्रणमा राखिएको प्रहरीले जनाएको छ प्रहरीको प्रारम्भीक अनुसन्धानबाट मोटर साईकलमा सवार दुवैजनाले मादक पदार्थ सेवन गरेको हुन सक्ने बताईएको छ ।